التفاؤل سر السعاده.!

تخيلو أيامنا كلها حلوه .. دائماً .!! راح نحس بالسعاده ؟ طبعاً لا ..!!
تقولون ليه وبقول .. الحين الملوك كلهم مبسوطين ؟ عيال الهوامير كلهم مبسوطين؟
نادراً تلقى أحد مبسوط .. ليش؟ لأنهم تعودوا على كل شي حلو .. صارت
الأيام الحلوه شي عادي بالنسبه لهم .. عكسنا حنا .. تعودنا على الشقا والتعب !!
موب اي شي يخطر ببالنا يجينا .. صرنا نحس بطعم السعاده اذا غيرنا سياراتنا
حتى لو كانت السياره ماتستاهل .. لكن قناعتنا خلتنا نشوف العادي موب عادي.
بالنسبه لي .. السعاده ماتجيني إلا إذا تفائلت .. أقعد أفكر وأنا لحالي ..(( بعد سنه
 بتخرج وبسوي كذا وكذا .. وبتتغير حياتي .. وراح اجيب أحسن معدل وراح
 أكمل دراستي في المكان الفلاني ..الخ )) وصرت أسعد نفسي بنفسي ..
أتفاءل كثير إلى درجة إني أحس إني أكثر واحد يتلقى صدمات في العالم :)
يعني أطلع من الإمتحان وانا ماحليت شي .. بس أقنع نفسي إني حليت زين وإن
درجتي كذا وكذا .. واطلع مبسووط .. وبعد كم يوم اتفاجئ بالدرجه .. وارجع اتفاءل
وانصدم .. وهكذا ..!!
أنا اليوم مبسوط وماراح أقولكم وش سبب سعادتي .. لكن أتمنى هالسعاده ماتنقطع
ويعطيني الله اللي ابيه ..
إذا تبون السعاده .. لا تنسون التفاؤل ..!!


سبحان الله ، الحمد لله ، لا إله إلا الله ، الله أكبر
اللهم صل على محمد وعلى آل محمد

15/5/2010