مرت فترة ..

مرت فترة طويلة بدون تدوين .. كنت مشغول فيها وماكان لي نفس أكتب حرف واحد

مادة البيهيفيور (السلوك والاخلاق) مادة معقده وماهضمتها ابد .. لكن الله موجود وبعديها

بإذنه بأحسن الدرجات .. الأنجلش أبدعت فيها وانا الاول على الفصل :):)

قبل أسبوع تقريباً تعرضت لحادث .. الله لا يعيده من حادث .. ماتضررت جسدياً كثير ..

لكن الضرر النفسي كان أقوى .. فقدت جزء من الذاكره .. وها أنا الآن أستعيدها :)

كنت أحس إني بوادي والناس بوادي .. كنت مااحرك عيوني واجد ولا أحط عيني بعين 

أحد عشان لا يصير يعرفني واجيب العيد في سواليفي .. لإني كنت حاس إني دلخ من جد :(

كنت أحس ان فيه أحد قاعد يتحكم فيني .. يحركني ويتكلم بالنيابة عني .. ماادري وش كان

ذاك الشعور بالضبط ..!!!

أنا استنتجت ان لهالشي علاقة بقوة الصدمه .. يعني جسمي كان يمشي بسرعة 100 كيلومتر 

بالساعة مثلاً .. وصار يمشي 0 كيلومتر بالساعه فجأة .. فاللي صار ان عقلي لسى يحسب ان

السرعة 100 كيلومتر .. فصار مافيه توازن بين تفكيري والاحداث اللي قاعد امر فيها .. يعني

مثلا .. اذا كلمت احد بالجوال .. دائما احس انه يتأخر بالرد .. ليه ؟ لان عقلي لسى بالسرعه 

الفلانيه .. يمكن هالتحليل غبي .. لكن يمكن انه صح .. ليش لا ..!!؟؟

سبحان الله ، الحمد لله ، لا إله إلا الله ، الله أكبر ..

20/8/2010