باقي ثلاث أسابيع.!

إنسان بدون طموح أعتبره ولا شي .. اللي يبي يتوظف ويتزوج

ويجيب عيال وياكل ويشرب وينام لين يموت .. وبس؟ هذي حياتك؟!

الإنسان اللي بدون طموح أحسن له يدفن نفسه .. ليش تعيش دامك بتموت

محد درى عنك .. ليش تعيش دامك ماراح تسوي أي شي مميز ..!!

- هذا هو تفكيري .. صح إني ودي استانس وأتسلى مثل باقي البشر

لكني وأنا بأسعد لحظاتي أحزن .. إذا تذكرت المستقبل اللي أنا قاعد

أضيعه بالتسليه هذي ..!!

أتذكر وأنا أدرس برى الجبيل .. كنت مهمل لدرجه مااحد يتصورها

من يوم أصحى لين أنام وأنا أتسلى .. يا العب كوره ولا ورقه ولا اسولف

بس كنت أعاني جداً قبل لا أنام .. أعاني وأنا أتذكر إن مالي مستقبل ..
وأنها مسألة وقت لين أشوف نفسي بالشارع .. لين أشوف إحتقار 

المجتمع لي ..!!

الحين أنا في أفضل حالاتي والحمد لله .. لكني أزعل إذا شفت الاهمال
واللا مسؤولية في الناس اللي احبهم .. وأتمنى دائماً إن الله يوفقهم..
أنا أتكلم الحين والإختبارات على الأبواب .. باقي ثلاث أسابيع .. وان شاء
الله أنا ناوي آكل الكتب عشان آخذ المعدل اللي أنا أبيه ..

دعواتكمـ لي بالتوفيق ..

23/5/2010