الحمد لله ..

الحمد لله .. خلصت الترم بأفضل النتائج .. B+ في اغلب المواد .. الحمد لله .. الله

ماضيع تعبي .. والحمد لله خلصت منهج الفزكس .. وما راح ارجع له .. ابد ..

الحين بدأت العطله .. ( 10 ايام ) وبعدها بأرجع ادرس صيفي .. اتمنى ان مافيه

عطله أصلاً .. لأني من النوع اللي مااطلع واجد ..ومااحب قعدة البيت في نفس الوقت

الكلية كانت الشي الوحيد اللي يسليني .. الحين مدري وش اسوي .. مالي الا النت

والافلام .. راح احاول اتسلى بها لين يبدأ الترم الصيفي ..

في أيام الإختبارات كنت اقول متى بتخلص هالاختبارات وارتاح من هالهم .. والحين

العكس .. نفسي ان فيه اختبارات ثانيه :( 

ليه كل اللي اعرفهم يفرحون بالاجازات وانا لا؟!

يمكن عشان كل واحد منهم عنده ناس يشاركونه التفكير ويرتاح معهم ويرتاحون معه ؟!

طيب ليه أنا بس اللي توريني الدنيا وجهها الثاني .. ليه أنا بس اللي مالقيت احد يناسبني ..

واذا لقيت بواحد نقطه ايجابيه .. لقيت فيه مليون نقطه سلبيه ..

ليه أحس إني مستغل .. وان فيه أحد يضحك علي .. ومع هذا مالقيت دليل عليه ..

 اتأكد فيه من أحاسيسي ..

ماأقول الا يالله تزينها ..

28/6/2010