أسبوع شاق ..!!

الأسبوع هذا صارت لي أحداث كثيرة منها الإيجابي ومنها السلبي .. 

بداية من انتظاري للفصل الصيفي .. نهاية بسفر الأهل لقضاء أيام الإجازة ..

تقريبا من يوم الثلاثاء الماضي .. كل خمس دقايق أشيك على موقع الكلية .. اتأكد

إذا تم تسجيلي ولالا ..!! انتهى التسجيل يوم الربوع .. وصرت اشيك الخميس والجمعه!!

مع علمي إن موظفي الكلية مايداومون بهالايام ..!! 

جاء يوم السبت وشيكت الصباح ولقيتهم منزلين لي مادة وحده .. اللي هي الانجلش ..

انا كنت حاس انهم راح ينزلون لي مواد ثانية .. لأن واحد من الشباب نزلوا له مواد قبلي ..

وفعلاً .. شيكت على الموقع يوم الأحد ولقيتهم منزلين لي المادة الثانية .. البيهيفيور ..

الأسبوع تخلله بعض المشاوير .. لخدمة ناس عزيزين على قلبي .. واتمنى ينجحون ويتغيرون

خلال هالأسبوع حسيت بفراغ لا يعلم به الا الله .. ماعرفت وش اسوي .. لدرجة اني من القهر

صرت اضرب الجدار .. لكن الحمد لله .. كل ماقرّب موعد الدراسة ارتحت .. 

سبحان الله .. من بعد ماكنت اكره الدراسه كره ابليس .. صرت احبها لدرجة جنونية ..

اليوم الخميس .. مشو الأهل الساعه الثالثة عصراً .. الله يحفظهم ويوصلهم باالسلامه .. 

ويقضون أحلى إجازة ..

بالنسبة لي بحاول أنظم وقتي وأستغله أحسن إستغلال .. ودائماً أطلب الله التوفيق .. وإنه

يجعل لي في كل خطوة بركة ..!!

يااارب .. 

8/7/2010