اعتذآآر محبـ ..!!

الابيات هذي لها قصه .. وكتبتها تحت نخله بااحد مدن العاب مدينة ابها ..

سبحـان ربّ الـحـبّ يـاأعـذب الـحـبّ

يـامـن تـعـلّ القـلـب ثــم(ن) تـداويــه

قلبي معك ساعات(ن) أحسّه يشبّ

ومـن زود حبّـي لـك تعلّقـت أنـا فـيـه

وساعـة ولـه عاشـق وجــاك يتـقـربّ

صدّيـت عنـه ومـا لقـى مـن يواسـيـه

خلّـي تكـبّـر ولا أنــا طـايـش القـلـب

المـعـذره مـنّــه إذا كـنــت مشـقـيـه

لعيونهآآ ..!!

 

إلى من ملكت قلبي وتفكيري ووجداني ، إلى أطيب قلب ..

أهدي لكِ هذه الكلمات :

 

يـا شــوق قلـبـي كلـمـا نــاض بــراق ..

عـيـنـي تخـيـلـه والـهـمـايـل تـقـفّــاه ..

اسمع صدى صوته يقول أنت مشتاق ..

ارتـاح لـه والنفـس نطلـب لهـا رضــاه ..

لا غـاب عنـي صـرت لـه حـيـل تــواق ..

وجـــوده اقـصــى مااتـمـنـاه وابــغــاه ..

هـو الحيـاه ان ضـاق قلـبـي وان راق ..

وهـو الممـات اليـا طـرى يــوم فـرقـاه ..

فـي غيبتـه تنعـد ساعـات الاشــواق ..

وبـجـيّـتــه يـنــقــال يــازيـــن لـقــيــاه ..

معه الهوى اللي يشرح الصدر لاضاق ..

ياكـثـر مااشـكـي الهواجـيـس لــولاه ..

ماهـوب والله سلـعـه تـبـاع بـاسـواق ..

يامكـثـريـن الـظــن تـكـفـون حـاشــاه ..

ريقـه عسـل صافـي للامـراض تريـاق ..

يـازيــن منـطـوقـه اذا حـــرك شــفــاه ..

مـا طلـت منـه لمسـة يديـن وعـنـاق ..

ياما همس لي :سترنـا اليـوم محـلاه ..

واقول له والقلـب فـي حالـة اشفـاق ..

الحـب فـي ذاتـك ابـي الـيـوم معـنـاه ..

وصار يهمس لي والحلا منـه انسـاق ..

سـبــحــان رب للـمـحـبـيـن ســـــواه ..

يصيـر معشوقـك مـن النـاس ســراق ..

وتسامح..وتتـحـمـلـه هـــــو وبــلـــواه ..

سرقـة محبـه مـاهـي بـزيـف ونـفـاق ..

هــذا هــو المعـنـى اذا قـلـت اهــواه ..

يالله يـالــلــي للـمـخـالـيـق خـــــلاق ..

ومــســـخـــر لــــلادمـــــي داه ودواه ..
تعطيـه راحـة بـال مــع ديــن واخــلاق ..

وتـحـلّــي ايــامــه وتـهــديــه لا تـــــاه ..

فـي غيبتـه تنعـد ساعـات الاشــواق ..

وبـجـيّـتــه يـنــقــال يــازيـــن لـقــيــاه ..

معه الهوى اللي يشرح الصدر لاضاق ..

ياكـثـر مااشـكـي الهواجـيـس لــولاه ..

الضيقهـ ..!!

صدق إن الدنيا رديه .. ماتنصدم فيها الا اذا عرفت اهلها (زين) ..!!

 

ياضيـق صـدري ضيقـة المـيّـت الـحـي ..

من همي اللي حد قلبي على اقصـاه ..

يــروح عـنـي الـهـم ثــم يـرجـع يـجــيّ ..

يالله مـغـفـرتــك لـــــو اخــطــيــت يالله ..

إبــن آدم ٍ مــن دون عـفـوك ولا شـــي ..

وادنــى صـواديـف الـدهـر مـنـكْ تـبــلاه ..

يـتـوه فــي الظلـمـا ولا يـتـبـع الـضــي ..

وان ماحصل لـه ضـي فـي ظلمتـه تـاه ..

يـشـكــي لـخـلاقــه بـقـولـتـه يــاحــي ..

وان استجـاب لدعوتـه ..جــاه مـااغـواه ..

وانــا مــع الدنـيـا كـوانـي الـزمـن كــي ..

صـابـر عـلـى جــرح المـقـاديـر وانســاه ..

لجـل الـغـلا كــم قـلـت لـفـلان يـاخـي ..

ولـو يطلـب الخافـق مـع العـيـن تـفـداه ..

ماهوب حب(ن) في دراهـم تجـي لـي ..

ولا عــيــون ســــود او عـــــز او جـــــاه ..

كسب الجمايل عندي اعذب من المي ..

يـاجـاهــل بـاسـبــاب فــعــل فـعـلـنـاه ..

بعـض الضنـون تجيـب لاصحابهـا الغـي ..

مثل المرض فـي داخـل النفـس تلقـاه ..

لاتـعـجـبـك هـــــذي ولا تـعـجـبــك ذي ..

ويلـعـب بــك الشيـطـان ياتـابـع خـطـاه ..

لكن ْ عسا اللي جمع الشمس بالفي ..

يسـتـر علـيـك ويحـفـظـك دوم بـحـمـاه ..

النجمهـ ..!!

خمس ابيات .. تحمل في داخلها اسرار عميقه وماضي اليم

بالنسبه للاسماء في اخر القصيده .. مااقصد فيها احد ورب الكعبه .. مجرد مثال

النجمـه اللـي فـوق نجـمٍ تعلّـت

مكانهـا فـي الكـون ابــد ماتغـيـر

دايــم اراقبـهـا وهـــي ماتـخـلّـت

عن المكـان اللـي اشوفـه يحيّـر

سبحان رب(ن) قد خلقها وطلّت

بيـن النجـوم وبـدر بالـوصـف نـيّـر

القلـب ضايـق والمشاعـر تجلّـت

ياقلـب تكـفـى لازم تـمـوت خـيّـر

اتـرك حـيـاةٍ بالمشـاعـر تسـلّـت

لابـــوك يــاســاره ولابــــو نــويّــر

الفآآتن ..!!

في احدى ليالي الغرام .. وعندما ازداد الهيام

خرجت  هذه العبارات ..

الـجـادل الـلـي ضـاقـت الـيــوم صـبــرا

صـار الخفـوق يــذوب منـهـا ويخـفـق.!

لا جـبـت طاريـهـا غــدا الـلـيـل فـجــرا

وصارت شموس الشوق للحب تشرق

ياسيّـدة حـب(ن) خــذا القـلـب غــدرا

وش عاقبة منهـو مـن القلـب يسـرق؟

نحكـم عليـه يصيـر مــن ضـمـن أســرا

ابـداخــلــه ولا يـصــلّــب ويــشــنــق ؟

لـكـنـي أؤمـــن كـلّـمـا جــيــت بــقــرا

حــب(ن) غــدا بالعـيـن يلـمـع ويـبـرق

بــأن الـقـدر يـاتـي عـلـى غـيـر مـطــرا

ويجمّـع قـلـوب(ن) بـهـا الـكـره يـحـرق

يــارب جمّـعـنـا ســـوى وســـط قـبــرا

ياواحـد (ن)قـادر علـى النـاس منـفـق

من المآآضي ..!!

ذكريات من الماضي الجميل .. الشي الغريب فيه .. اني تقريباً نسيت معظم تفاصيله ..

كأنني كنت بغيبوبه ..

من بداية تسجيلي بجامعة الملك عبدالعزيز مرورا بتركها حتى نهاية اول فصل دراسي لي

في كلية الجبيل الصناعيه (العزيزه على قلبي :$ )

يـا صاحبـي يـا بخـت منهـم يسجّـون ..

ولا دروا عـن حــال بـعـض المخالـيـق ..

حـالـي تــردّى بـيـن ضـايـع ومجـنـون ..

وين العلاج اللي يداوي العواشيق .؟

البارحـه ياخـوي ضـايـق بــي الـكـون ..

عيـن(ن) تنـام وعيـن تجبرنـي آفـيـق ..

يا صاحبي وأخترتـك اليـوم لـي عـون ..

أنت الوحيـد اللـي أبشكيـه فالضيـق ..

عين(ن) رمتني للولـه ماهـي عيـون ..

وريـق(ن) بلعتـه عقبهـا مـاهـو بـريـق ..

أشلـون أبفـضـح حبّـنـا تــوّه أشـلـون ..

وأنـا طـرف عينـي لفرقـاه مـا يطـيـق ..

كــل شــي(ن) فـيـه يـاصـاح مـزيـون ..

لـــولا حـلاتــه مـابـدعـت الـطـواريــق ..

مآآضي مؤلمـ ..!!

 

من الماضي المر ، القاسي ، الاليم ..!!

ياسـعـد عيـنـي لا نـظـر لــي بعـيـنـه ..

يسرق رهيف الحسّ من بين الأضلاع ..

مـنــوة حـيـاتـي لـــو أقــبّــل يـديـنــه ..

ويكـون لـي مـن فتنـة أبلـيـس مـنّـاع ..

زيـن الوصايـف غايـب سنـيـن ويـنـه.؟

مرتـاح .. ولا يشتكـي قلبـه أوجـاع.؟

عقـبـه غــدت كــل الأمـاكــن حـزيـنـه ..

تخافتـت الأنـوار والصـمـت قــد شــاع ..

هجـره يقلّـب لـي جــروح(ن) دفيـنـه ..

أزريــت أعالجـهـا وأنــا حـيــل مـرتــاع ..

منهـو يعشـق الزيـن وأمسـى رهينـه ..

يصبـح مريـض الحـال متقـلـب أوضــاع ..

يــوم إنـــي أدمـنـتـه وأدمـنــت زيـنــه ..

نسيـت طعـم النـوم حـزات الأشـفـاع ..

لـكــن لـــه بقـلـبـي غـــلا عـارفـيـنـه ..

مــن يـــوم أنـــا ويـــاه لـلــودّ نـنـصـاع ..

يالله يامنجـي البشـر فـي السفيـنـه ..

ومـغــرّق أعـدائــك رديـيــن الأطــبــاع ..

تعـطـيـه يـــارب الــفــرح والسـكـيـنـه ..

وتـحـلّـي أيــامــه وتـهـديــه لا ضــــاع ..

عــذال قـلـبـي.. يالـنـفـوس اللعـيـنـه ..

ياللي على نقـدي معاطيـش وجيـاع ..

أنظّف لكم قلبي وأجيـب السمينـه .. :

مـن الهـرج .. وأخلّـي هزايلـه للـقـاع ..

الخافـق اللـي مـا لـقـى مــن يهيـنـه ..

مـوتـه ولا تصـيـر الـمـذلـه لـــه قـنــاع ..