لا تحب نفسكـ ..!!

محبة الشخص لنفسه نقول عنها "عيب" .. طيب والشخص اللي يحب
غيره أكثر من نفسه؟ 

والله مدري وش يسمونها ..  غباء ولا طيبه ..!!
تحرم نفسك من أشياء وفجأه تعطيها لشخص يمكن مايحبك .. لا وبعد 
كل هذا .. ماكأنك سويت شي أنت البخيل وأنت اللي تحب نفسك وأنت وأنت ..!!

أحياناً يكون المعروف بغير محله وأحياناً يكون الواحد يطلب الحب بقلب مايعرف

الحب .. في هاللحظه تبدأ الوساوس .. لكن قبل لا تبدأ حاول أنك تمنعها ..

اعتبر اللي سويته لوجه الله .. لا تنتظر الرد وخلك مثل مايقولون : من اللي يسوون

الخير ويقطّونه بحر ..!!

أهم شي تكون مرتاح وراضي بنفسك وإن اللي سويته صح .. لا يلعب عليك 

الشيطان ويقولك حب نفسك ..

لا تنسى إن التاريخ مايتذكر إلا المميزين .. أبو زيد الهلالي وحاتم الطائي يضرب 

بهم المثل في الكرم .. ماكانو يحبون انفسهم .. بالعكس .. كانت حاجة الناس

مقدمه على حوائجهم !! نسميهم أغبياء ؟! لا طبعاً .. الغبي اللي يشوف إنهم أغبياء!!

لا تصير بخيل وتحب نفسك .. والله إني أتمنى إن عقوبة قطع اليد للبخيل مهوب للسارق ..!!!!

التاريخ أظهر البخيل بأبشع الصور وقلل من قدره .. لو كان شاعر فحل .. أو عالم جليل
لكن يبقى البخيل بخيل ..!!
البخل مرض نفسي إذا ماعالجته بدري راح يزيد ويصعب التخلص منه ..
لا تعيش باقي حياتك محتقر بين الناس .. لا تعيش باقي حياتك محتقر نفسك ..
ولا تنسى إن الناس تحب اليد الكريمه .

13/5/2010