الفصول الأربعه تجينا بـ(يوم) ..!!

صار لنا أكثر من شهر والمطر مستمر .. غبار بعده مطر ومطر بعده غبار ..
ومثل ماقال بعض الوافدين لمدينتنا العزيزه "الجبيل" - هي المدينه ذات الفصول
الأربعه :) ووالله ماكذبوا .. رطوبه و حر و غبار مع مطر في نفس الوقت ..
وين تصير هذي؟؟!!
تقوم الظهر تشتكي من الحر والشمس وبعد خمس دقايق تمتلي السماء بالغيوم
وتمطر بغزاره . شي يجيب الحيره ..!!
بالمناسبه .. سكان الجبيل يعانون معاناه كبيره مع نظافة سياراتهم .. مايدرون
متى الوقت المناسب لغسيلها .. واذا شفت سياره دائما نظيفه .. اعرف ان راعيها
جايب له هندي ينظف كل يوم :)
قبل يومين تقريبا كنت اقول لبعض الشباب اني اتوقع بعد سنتين راح تصير
الشرقيه مثل المناطق الاستوائيه .. حر ومطر .. اتوقع هالشي له علاقه مع
الاحتباس الحراري ..
مانقول غير الحمد لله .. من مايبي الأمطار ؟! عسى الله مايحرمنا منها ويخليها
امطار خير وبركه .. صرت مااصدق اسمع صوت المطر .. على الاقل الحق
ادعي كم دعوه .. وانا واثق ان الله بيستجيب لي .. مثل مااستجاب لي قبل ..

سبحان الله ، الحمد لله ، لا إله إلا الله ، الله أكبر 




10/5/2010